女生必睇！經期唔準5個原因

「姨媽到」總令不少女生心情煩躁，不過相比起經痛，經期唔準更令女生頭痕！所謂「遲到好過無到」，但近年身邊不少女性朋友更出現四季經，真正無預警下突襲！究竟女生為何會 經期唔準 ，立即睇睇外國教授點睇！

外國健康網站Self早前就 經期唔準 向教授查詢，美國俄亥俄州立大學的婦產科教授Michael Cackovic指出，女生每次月經應該相隔21至35天，但不少女性都會出現 經期唔準 、出血量及經痛問題，女生們，不妨睇睇自己有冇相同情況！

01.壓力太大

教授指出，壓力太大容易影響子宮排卵，導致出現短暫停經的情況。一眾上班族，要多提醒自己放鬆一下！

02. 多囊性卵巢綜合症

是女性最常見的內分泌疾病之一，除了閉經，亦會出現肥胖、不孕等副作用，必須及早求醫。

03. 體重大上大落

經常節食減肥、體重大上大落的女生，都可能因為不健康的生活習慣，特別是體重變化太大，會影響腦下垂體（Pituitary Gland），導致荷爾蒙失調。因此健康的飲食習慣，同樣是影響經期穩定性的原因之一。

04.激烈運動

運動型女生有可能因為操練身體而令月經不穩定！教授指出每天都進行大量的激烈運動，會導致運動性閉經，因為進行劇烈運動時，身體需要大量能量，和感受到沉重的壓力，而令荷爾蒙失衡及月經唔準。