完美髮學研究所 | 頭髮正常甩幾多？點知係嚴重脫髮？一個方法幫你！

好多人都會洗頭梳頭時甩頭髮，但其實每日甩幾多先叫正常？有無指標？喺最近一集「完美髮學研究所」入面，黃生就同可宜、Giselle同大家分享頭髮嘅3大生長階段、脫髮嘅種類及原因。想知點可以令頭髮健康？擔心有脫髮問題可以點做？哩篇文章就唔好錯過啦。

頭髮正常甩幾多？

我哋正常每日都會甩50條至100條頭髮，若果越甩越多，定要立即把握黃金時間處理。頭髮嘅生長週期係分3個階段，分別係生長期、靜止期同脫落期。生長期嘅時間大約係2年至6年；靜止期嘅時間就3至4星期；脫落期就3至4個月。

係乜原因導致頭髮脫落？

脫髮簡單可分為急性同慢性。急性脫髮原因包括精神壓力緊張，或頭髮受細菌、病毒或真菌影響。慢性脫髮原因包括遺傳、內分泌失調，或者毛囊受到化學物品傷害。

頭髮邊個部位會吸收營養？

頭髮有個部位叫毛乳頭，佢入面係有好多血管，為毛乳頭提供充足營養，令佢哋健康生長，但生活緊張、不良生活習慣或者係環境因素，都可以令頭髮生長唔健康。

頭皮唔健康可以點做？

建議用PH5.5洗髮露打好頭皮基礎，先用溫和嘅洗髮露清潔頭皮，生出嚟嘅頭髮就會更加健康。之後再用護髮精華，例如係桂圓美護髮精華系列，修復受損髮質。

頭髮太乾用髮油有無用？

頭髮乾嘅時候，有人會用一啲髮油，雖然佢哋可以令頭髮順滑，但長遠嚟講，會加速頭髮營養流失。所以，最重要係要保持髮根、頭皮、毛囊健康，生出嚟嘅頭髮就可以順滑，再唔需要焗油。焗油只可以短暫解決頭髮健康問題。

擔心出現嚴重脫髮點好？

建議可以搵專家進行一次頭髮健康檢測，盡早睇吓係乜原因導致脫髮，搵出答案。