完美髮學研究所 |專家拆解工作壓力同甩頭髮關係＋免費頭皮健康檢測貼士！

精彩節目內容推介：

唔少香港打工仔都會出現頭髮稀疏問題，點解會咁？喺電台節目「完美髮學研究所」入面，黃生就講解咗工作壓力、頭皮繃緊同脫髮之間嘅關係。同埋，亦分享咗頭皮健康檢查嘅基本程序。倘若你係有脫髮問題嘅煩惱，又想知更多頭髮護理療程嘅細節，哩篇文章嘅分享就唔可以錯過啦。

點解工作壓力大會甩頭髮

當人工作壓力大嘅時候，頭皮就會繃緊，令毛乳頭好難喺血液入面吸收營養，繼而令頭髮好快去到靜止期，跟住就會去到脫落期，出現脫髮問題。（身體嘅頭髮係有3個生長階段，分別係生長期、靜止期同脫落期。頭髮喺靜止期嘅時候，髮根會開始萎縮同變幼，之後就會脫落。）

另外，工作壓力亦會令頭皮油脂分泌更多，堵塞毛囊，增加出現頭瘡，甚至脫髮風險。

頭皮健康檢查程序會係點？

想知自己頭髮健康有無出問題，當然就係做一次頭皮健康檢查。好似喺桂圓美護髮中心，客人第一次嚟嘅時候，係會先進行一次頭皮健康狀況檢查。因為每個人嘅頭髮問題都唔同，所以一定要先了解每個人嘅頭髮狀況。

喺過程入面，專業顧問會用60倍嘅放大鏡去睇清楚客人嘅頭皮狀況，例如會唔會因為角質層太厚而堵塞毛孔、定係因為油脂分泌過多，又或者係出現毛囊炎嘅問題。當了解晒成個頭皮嘅健康狀況，就會幫客人度身訂造一個適合佢哋嘅護髮療程。療程可以令人頭皮放鬆，而且無痛。