完美髮學研究所｜4個原因加劇脂溢性脫髮嚴重性

喺新一集嘅「完美髮學研究所」提到，雖然脂溢性脫髮已經係一個導致脫髮嘅原因，但原來仲有啲脫髮因素如果唔理，再加埋脂溢性脫髮，咁就會令脫髮問題更加嚴重。當中就包括洗頭水入面嘅化學成分、細菌感染、營養不足、壓力大等等！

洗頭水成分令頭皮發炎？

喺先幾年，消委會做嘅洗頭水報告已經揭發，市面上有部分洗頭水係含有致敏成分，例如係游離甲醛，或者係異噻唑啉酮類防腐劑。兩者都可以令頭部皮膚痕癢出疹，甚至誘發皮膚炎。如果本身已經有脂溢性脫髮，頭皮仲因為洗頭水出現過敏，咁就會加劇脫髮。

細菌導致生頭瘡甩頭髮

因細菌感染而導致脫髮嘅原因有好多，有啲個案係因為頭油多，又或經常使用髮品／漂染，又洗唔清，助長細菌滋生，堵塞毛囊，導致生頭瘡，長期唔處理亦容易加速脫髮危機。

鐵質不足 頭髮生長不良

因為鐵質唔夠而造成嘅脫髮好常見，鐵質係生產紅血球嘅材料。當紅血球足夠，頭髮先有營養健康生長。如果日常飲食唔夠鐵質，或者係經常飲茶飲啡妨礙身體吸收鐵質，會導致血液帶氧量不足，頭髮無法獲得足夠養分，就容易出現脫髮問題！

壓力導致休眠期脫髮

若果個人情緒長期處於壓力大嘅情況下，會令人體嘅豎毛肌收縮，令毛髮出現營養不良嘅現象，抑制頭髮生長功能，大量頭髮進入休眠期，產生脫髮。有醫生表示，見過有患者因為壓力性休眠期脫髮，令頭皮上有7到8成嘅頭髮喺短時間脫落。

講完咁多加劇脂溢性脫髮嘅原因，咁我哋點知自己頭皮健唔健康呢？答案就係要搵醫生或者專業人士幫大家做頭部皮膚檢查，了解成因，再對症下藥。其實，想知自己頭皮係咪健康，一般照鏡係睇唔到，一定要用專業儀器先可以睇得清清楚楚，而桂圓美就有提供呢方面嘅頭皮健康檢測服務。