完美髮學研究所｜桂圓美「中年好頭髮」有獎遊戲  透過AI頭皮分析奪豐富獎品！

時下人人都講 A.I （人工智能），用佢哋嚟寫稿整圖，甚至係整理唔同資料。有時開工無乜Idea，又可以問問 A.I 拎意見。但大家又有無諗過，人工智能仲可以幫大家睇吓頭部皮膚上有幾多頭髮，同埋究竟係健康定唔健康？

桂圓美就同新城知訊台合辦咗個「中年好頭髮」活動，邀請唔同性別及年齡嘅朋友，一齊體驗人工智能點樣幫大家檢查頭髮健康。

5大指標 了解頭髮健康

當中， A.I 就有5大指標，去決定大家嘅頭髮係咪健康，分別係：頭髮嘅厚度、M字額情況、髮線後退度、頭頂頭髮稀疏度同埋髮界寬度。

當出現嚴重脫髮，咁每平方厘米嘅頭皮，就會唔夠50條頭髮。出現哩種情況嘅人士，通常頭髮會變得稀薄，而頭頂位置亦會優先出現微禿。與此同時，佢哋梳頭嘅時候，無論係梳中間分界，或側邊分界，條界只會愈嚟愈寬。有部分人亦會出現髮線向後移，或者M字額。