完美髮學研究所 | 一文分清 脂溢性脫髮 vs 鬼剃頭

脫髮問題上，有人會攪唔清「脂溢性脫髮」同「鬼剃頭」嘅分別，所以「完美髮學研究所」喺今篇文章就同大家簡單講解吓佢哋兩者嘅脫髮成因同症狀差別。當然，如果想盡快知道自己嘅頭皮問題成因，最實際方法，就係做一次頭皮健康檢查。

脂溢性脫髮是什麼？

脂溢性脫髮（Seborrheic alopecia）係頭油太多引起嘅脫髮問題，成因同生活壓力大、經常捱夜唔夠瞓，同內分泌失調有關。脂溢性脫髮係有分急性同慢性。至於脫髮過程，係會先由額頭左右兩邊角甩起，即係髮線向後移，形成M字額。而同一時間，患者頭頂嘅頭髮亦會愈嚟愈少，出現微禿。最終，可以令到成個頭嘅頭髮甩晒，特別係男士。

鬼剃頭是什麼？

至於鬼剃頭（Alopecia Areata），佢又稱為斑禿或者圓禿，成因都係離唔開生活壓力大、免疫系統失調同埋遺傳。至於甩頭髮嘅具體情況，就係一種局部性脫髮。鬼剃頭甩頭髮位置嘅形狀係圓形居多，面積可能由一個5毫到5蚊銀不等。鬼剃頭嘅患者雖然係乜嘢年齡嘅人士都有，但通常都係30歲以上人士先高危。惟一好彩嘅係，鬼剃頭無咗頭髮嘅地方，只要小心處理，佢哋之後會頭髮再生。

頭部為什麼會出油？

好多人都知頭上面有頭皮屑，但就唔知有頭油。事實上，頭部皮膚嘅皮脂腺，較面上嘅皮脂腺多。所以，如果唔定時洗頭去頭油，除咗係會令頭部發臭，仲會有機會引發頭瘡、頭皮發炎同脂溢性脫髮問題。

點先知道自己係脂溢性脫髮定鬼剃頭？咁當然要搵醫生或者專業人士幫大家做頭部皮膚檢查，了解咗個成因，再對症下藥。其實，想知自己頭皮係咪健康，一般照鏡係睇唔到，一定要用專業儀器先可以睇得清清楚楚㗎。