完美髮學研究所 | 脂溢性脫髮 頭油多頭臭有頭瘡

頭臭之餘，亦開始甩頭髮？如果正受哩類問題困擾，咁可能係脂溢性脫髮。哩種脫髮問題唔講得小，佢唔止會令人M字額咁簡單。想知更多有關脂溢性脫髮嘅資料？「完美髮學研究所」哩篇分享，就唔可以錯過啦～

脂溢性脫髮係頭油太多引起嘅脫髮問題，如果每日洗頭，頭髮易甩，頭油依然多，而且個頭會 傳出好難頂嘅異味，咁就有機會係脂溢性脫髮。

點解會有脂溢性脫髮？

點解會有脂溢性脫髮？原因好多，例如經常捱夜唔夠瞓，或者工作壓力大，哩啲生活上面嘅小細節，都會令內分泌失調，免疫力下降，易病之餘，仲有機會甩頭髮。

好多人發現自己頭油多嘅時候，就會每日洗頭洗唔停，但正常皮膚嘅表面係應該有適量油脂作為保護膜，防止皮膚乾燥敏感。而且，身體係會因應皮膚嘅乾涸度去調節油脂分泌，令皮膚唔好太乾。所以，如果瘋狂洗頭，或者用嘅洗頭水去油力強，咁只會增加頭部皮膚嘅油脂分泌。