完美髮學研究所 |少女染髮導致毛囊阻塞！頭部傳出臭味甩頭髮

精彩節目內容推介：

後生女都會脫髮？無錯！原因可能係同鍾意染髮有關。喺新一集「完美髮學研究所」入面，黃生就分享一位少女脫髮及頭部發出臭味嘅個案，並且揭發係同毛囊堵塞有關。想知有乜原因導致毛囊堵塞？可以點發現？即刻為大家分享。

頭皮受傷會痕癢生瘡甩頭髮？

唔少年青人都鍾意染髮，但無乜人諗到染髮可以攪到脫髮。喺過去處理嘅脫髮個案中，就有一位18歲女仔，因為自細好沉迷韓星同韓國文化，所以一畢業就走去染髮，染成韓星常見嘅啡色。

最初，個女仔當然開心，因為新髮色令佢好似變咗另一個人，但去到染髮後嘅1至兩個月，就出事啦。因為染髮嘅化學物品已經滲到落佢嘅真皮層，開始對頭皮產生不良反應，而且所帶嚟嘅問題亦愈嚟愈嚴重。

一般嚟講，當頭皮受到傷害，最初會頭痕，亦有人會生頭瘡，最終就係甩頭髮。而嗰位少女嘅情況就頭皮傳出臭味。當時，少女嘅媽媽都好奇怪咁問：「點解我個女咁細個就甩頭髮，同埋有頭味？」於是，少女去到桂圓美做咗一次頭皮健康檢查，先發現佢頭皮上嘅毛囊出現堵塞，導致頭瘡出現。 而哩個個案亦話俾大家知，頭皮健康問題唔只係成人先有，年青人或者小朋友只要頭皮問題處理唔好，都可以引起頭部皮膚健康問題，甚至脫髮。

點解毛囊會堵塞？

毛囊堵塞主要有3個原因，首先係油脂分泌，當一個人壓力大或者工作忙，身體嘅油脂分泌係會比正常多；第二個原因係同空氣污染或生活習慣有關，空氣入面嘅塵埃或髮品、染髮劑嘅化學殘留物好容易塞住毛囊。第三個原因係死皮層，佢會令頭皮出現毛囊阻塞問題。