把握親子 用膳 時間邊食邊提升兒童 學習 能力｜言語及溝通治療師鄧國團

筆者有多年訓練家長與老師的經驗，也在家居環境以及學校裏觀察家長與老師如何與兒童互動，看到他們如何有效地（或低效地）影響著兒童的腦袋。所有種類的問題有本身的價值，但是科學告訴我們啓發性高的問題更能促進兒童的發展。下面為各位介紹在一個 用膳 的情景，如何使用問題來促進兒童的思考與 學習 。

六個層次問題促進 學習

低層次的問題是指有既定答案的問題，既無法刺激思考又令對話乏味。啓發性高的問題，卻更能促進兒童的發展。隨著兒童逐步發展，成人需要利用較高級的問題，去刺激或幫助兒童邁向高一層次的方向發展。以下便以 用膳 情景作為例子，如何利用六個層次的問題，啟發思考，促進 學習 。第一個層次的問題是最基礎的，而第六個層次是最高級的。

第一個層次：記住 （Remember）

包括：辨認、命名、數、重複、回憶

例子：

「你今朝食咗咩做早餐？」

「你屋企人喜歡食咩零食？」

「你個碟上面嘅食物係咩形狀？」

第二個層次：明白 （Understand）

包括：描述、討論、解釋、總結

例子：

「我見你個飯盒有好多料喔！形容一下！」

「話畀我知你通常係邊度食飯。通常同邊個一齊食？」

「解釋下你屋企每次食飯前，點樣決定食咩餸。」

第三個層次：應用 （Apply）

包括：解釋為甚麽、扮演出來、找出相關事情

例子：

「有無邊幅圖畫或者卡通片段，令你想起你屋企同家人？」

「話我知你屋企人食飯係點坐埋一起？食飯時都會傾啲咩計？」

「假日你有朋友黎探你，你會煮咩畀朋友食？你估你屋企人會點招呼你朋友？」

第四個層次：分析 （Analyze）

包括：注意變化、實驗、推論、比較、對比

例子：（利用共同經驗）

「你同家人都喜歡唔同嘅食物。講我知有咩相同/唔同。」

「今日我地睇咗兩本書，話我知兩本書有咩相同或者唔同？」

第五層次：評估 （Evaluate）

包括：表達看法、判斷、支持維護、批判

例子：

「你認為你宜家最中意嘅食物/餐對你有無營養？點解有/無營養？」

「我哋可以點樣令到我哋嘅膳食更加有營養？（例如飲清水代替有氣飲品）」

「如果你朋友係你屋企食飯時食到好大聲？你會點樣令佢知道自己太大聲但又唔會令佢尷尬？」

第六個層次：創造 （Create）

包括：創造、建造、設計

例子：

「我想睇下你點樣用泥膠或者其材料整我哋呢餐飯。我哋食完飯一齊試下吖！」

「假如你食緊你最喜歡嘅餐時，電視機跳咗個外星人出黎，仲話自己唔知你食緊咩。你會點答佢。我哋試下創作一個故事吖！」

「如果爺爺嫲嫲想知道你係屋企同外邊食啲咩，我哋點樣令佢地知道呢？我哋可以係邊度揾到相關嘅圖畫？我哋可以點樣整個圖文並茂嘅餐牌，吸引老人家睇？」

參考資料：

Anderson L.W., Krathwohl D.R., eds. (2001). A Taxonomy for Learning, Teaching, and Assessing: A revision of Bloom’s Taxonomy of Educational Objectives, New York: Longman.

Strasser J. & Bresson L.M., eds (2017). Big Questions for Yong Minds. NAEYC, Washington D.C.

圖片來源：Pexels、Unsplash、Freepik

鄧國團（Alle哥哥）
言語及溝通治療師
Enjoy Speech Communication Therapy & Consultancy Ltd. 創辦人
加拿大Hanen Centre® 認可教育人員及自閉症兒童家長課程培訓師
美國Project ImPACT在香港、中國大陸及東南亞首位認證教練
美國The Incredible Years® ADHD兒童及家長訓練課程領袖
英國Elklan 言語溝通課程導師及教育人員培訓師
美國幼兒教育協會NAEYC會員
美國ZERO TO THREE會員
聯絡電郵：Learning.Together@gmail.com

更多健康資訊